Dyna'r tair gêm fwyaf cofiadwy 'rydw i erioed wedi sylwebu arnynt ar BBC Radio Cymru ers imi ddechrau sylwebu'n rheolaidd yn ystod tymor 1992-93.

'Roedd buddugoliaeth Abertawe dros Gaerdydd yma yn Stadiwm Liberty bron i bythefnos yn ôl yr un mor gyffrous a dramatig â'r ddwy gêm arall : y ddwy yn yr un tymor - 2002-03.

Ar Hydref 16eg. 2002 y curodd Cymru Yr Eidal am y tro cyntaf yn Stadiwm Y Mileniwm ac ar Fai'r 3ydd. 2003 y daeth Abertawe yn ôl ar ôl bod ar ei hôl hi o 2-1 ar yr egwyl i ennill yn erbyn Hull ar Y Vetch a sicrhau na fydden nhw'n syrthio o'r hen Drydedd Adran i'r 'Conference'.

Ar ôl i Abertawe guro Caerdydd dywedodd Darren Pratley bod 'ysbryd y tîm' yn ffactor allweddol yn eu llwyddiant nhw ond mae hi'n deg nodi cyfraniad anferth Pratley at y fuddugoliaeth o ran ei berfformiad yn gyffredinol yn ogystal â'i ddwy gôl.

Ychydig ddyddiau ar ôl y gêm dywedodd merch sy'n gweithio gyda fi yn y BBC sydd ddim yn ymddiddori llawer mewn pêl-droed ei bod hi wedi digwydd fy nghlywed i'n cyfeirio at y ffaith fod Pratley wedi gwella o lawdriniaeth i'w ysgwydd ac o'r dwymyn doben ("mumps"), ac oherwydd ei salwch ei fod o wedi colli pum cilogram (un pwys ar ddeg) mewn pwysau.

"Roedd y stori yna yn stori dda " meddai'r ferch sy'n gweithio gyda fi - ac 'roedd y stori dda honno'n rhan o gêm wirioneddol wych i sylwebu arni.

BBC Radio Cymru football commentator Gareth Blainey says that Swansea's 3-2 victory over Cardiff almost a fortnight ago is one of the three most memorable matches he's worked on for BBC. Radio Cymru since he first started commentating regularly in the 1992-93 season - along with Wales's 2-1 win against Italy in October 2002 and Swansea's 4-2 win against Hull in May 2003.

After the recent derby, Darren Pratley rightly drew attention to 'team spirit' being a key factor in Swansea's success but it's fair to point out Pratley's huge contribution to the victory in terms of his overall performance as well as his two goals : a huge achievement for a player who's recovered from shoulder injury and a severe bout of mumpswhich caused him to lose five kilograms (eleven pounds) in weight.